Мәгълүм булганча, ун көн дәверендә өлкәннәр декадасы дәвам итә, шул уңайдан “Приют человека” дип аталган мохтаҗларга ярдәм күрсәтү пунктында “ Атнаны игелектән башла” марафоны башланды. Мохтаҗ булучыларга ярдәм күрсәтү йөзеннән безнең дәүләт телерадиокомпаниясе хезмәткәрләре дә әлеге акциядә катнашты. Тулырак Динә Нәҗметдинова язмасында.
Игелек ишекләре сәгать унда гына ачылса да, азык-телеккә мохтаҗ булучылар, күнегелгән гадәт буенча, алдан ук килеп чират ала, биредә эшләүчеләр килүчеләргә исемнәре белән дәшә.
Менә шулай рәхмәтләрен әйтеп, изге теләкләр теләп, хәтта “Алтыным” дип тә дәшеп (3:25) әле яңа гына пешеп чыккан ашны авыз итәргә җыеналар.
Бирегә төрле сәбәпләр аркасында киләләр, иң еш очракларның берсе акча җитмәү яки ашарга пешерергә мөмкинлекләре булмау. Шундый тәмле, кайнар азык ашатканнары өчен бирегә килеп сыенучылар “Приют человека” оешмасына бик тә рәхмәтле.
Өлкәннәр декадасы башланып китү уңаеннан мохтаҗ булучыларга ярдәм күрсәтү йөзеннән безнең дәүләт телерадиокомпаниясе хезмәткәрләре дә әлеге акциядә катнашты.
Чыннан да изгелек җирдә ятмый, савыплы гамәл кылу һәрберебезнең бурычы дисәк тә, ялгыш булмас, бу турыда татар эстрада җырчылары да онытмый. Алар бүген мохтаҗларны күчтәнәчләр белән сөендерделәр
лкәннәр декадасы ук көн дәверендә дәвам итәчәк, димәк, мохтаҗларга ярдәм күрсәтергә теләүчеләр ун көн дәвамында бирегә килеп-саваплы эш башкара ала. Күрсәткән игелекләребез артсын hәм дәвамлы булсын дип телик!
Динә Нәҗметдинова, Ренат Сәхипгәрәев, Татарстан яңалыклары.
