Узган шимбәдә гөрләтеп Кемеровада Федераль Сабантуе һәм өченче Халыкара Шахтерлар Сабантуе узды. Россиянең төрле регионнарыннан 150 спортсмен Сабантуй Батыры исеме өчен көрәште. Абсолют батыр булып Татарстаннан Радик Саләхов калды. Традиция буенча батырга тәкә тапшырылды. Шулай ук Илле җиде мең сум акча һәм Республикабыз Рәисеннән “Лада” автомобиле.
Халкыбызның милли бәйрәме быел Россия буйлап 59 регионда, дөнья буйлап 37 илдә үткәреләчәк.
Бәйрәмнең уртаклыгына карамастан, һәр төбәктә үзенең уникаль үзенчәлекләре бар. Студиябезнең кунаклары Себер якларында булып, биредәге татар мөхите белән танышып кайтканнар. Себер Сабантуеның матур хәтирәләре белән алар бүген тамашачылар белән уртаклашырга булдылар. Мәүлидә һәм Илсур Мортазиннар студиябезнең кунаклары.
