«Татар-информ» мәгълүмат агентлыгында 2023 ел Татарстанда Милли мәдәниятләр һәм традицияләр елын тәмамлау һәм Халыклар бердәмлеге көнен бәйрәм итүгә багышланган матбугат конференциясе булып узды.
Чараны Татарстан Республикасы мәдәният министры урынбасары Дамир Натфуллин ачып җибәрде һәм әлеге елга йомгак ясады. Ел буенда эшләнелгән эшләрнең саны да, әһәмияте бик зур булды. Татарстанның һәр муниципаль районнары үз эш планнары буенча чаралар үткәрсә, Казанның һәр мәдәният оешмалары ”Россия халыкларының милли бәйрәмнәре” программасы нигезе буенча эш алып барды.
Татарстанда Милли мәдәниятләр һәм традицияләр елын тәмамлау һәм Халыклар бердәмлеге көнен бәйрәм итүгә багышланган зур чара Казан-Эспо залында “Татарстан безнең йортыбыз” дип аталган зур концерт тамаша үткәреләчәк һәм анда 1000 гә якын катнашучылар, шул исәптән, танылган җыр, бию, музыка коллективлары, аерым башкаручылар, чакырылган кунаклар сәхнә тотачак. Алдагы төндә “Сәнгать төне” Бөтенроссия акциясе узачак. «Чигүле Татарстан Республикасы картасы» да халык хозурына җиткереләчәк.
«Зур Этнографик диктант 2023» язу да теләктәшлек алды. «Милли костюмнар» күргәзмәсе дә халык арасында танылу алды, Чарада »Татарстан Халыклары дуслыгы йорты” директоры Тимур Кадыйров һәм «Татарстан Республикасы мәдәният өлкәсендә инновацияләрне кертү һәм традицияләрне саклау ресурс үзәге директоры Алсу Мифтахова да чыгыш ясадылар.
