Казанның Салават Күпере микрорайонында Әлфия Авзалова урамындагы 9 нчы йортта яшәүчеләр яңа фатир ачкычларын алды. Социаль ипотекага төзелгән йортта фатирлар бюджет оешмалары хезмәткәрләренә, яшь һәм күп балалы гаиләләргә, ятим балаларга, авария хәлендәге йортларда яшәүчеләргә бирелде. «Торак һәм шәһәр мохиты» илкүләм проектын тормышка ашыру максатында, Россия Президенты Владимир Путин инициативасы белән, унҗиде катлы йорт төзелде.
Ачкычлар кулда, документларда барлык имзалар куелган. һәм менә ул ике бүлмәле яңа фатир белән танышуның шатлыклы мизгелләре.
Кызы Аида белән Антонида Шәфыйкова өчен бу тормышта яңа этап кына түгел. Иркен, уңайлы шартларда яшәү мөмкинлеге барлыкка килде.
Үз хыялларында алар инде мебель, пәрдәләр һәм матур люстралар сайлап алганнар. Элек кечкенә генә бүлмәдә яшәгәннәр.
Антонида Шәфыйкова: «без тулай торак бүлмәсендә яшәдек. Бүлмә зур түгел, 14 квадрат метр. Яңа фатирда илле квадрат метр. Үз залы, йокы, аш-су бүлмәсе, барлык уңайлыклар да бар. Без моны озак көттек. Эштән соң юынып чыгарга мөмкин булган ваннаны көттек.»
Баатареяләрдә җылылыкны көйләп була, балкон да иркен.
Аида Шәфыйкова: «без әни белән бирегә килгәндә, кибетләрнең күп, барысының да якында гына, бик җайлы булуын күрдек.!
Ә Әлфия Авзалова урамындагы 9 — нчы йорттагы уңайлы фатир ачкычларын барлыгы кырык яшь һәм күп балалы гаилә, шулай ук бюджет оешмалары хезмәткәрләре, ятим балалар һәм авария хәлендәге йортлардан күченүчеләр алды.
Татарстан Республикасы Президенты каршындагы Дәүләт торак фонды матбугат хезмәте җитәкчесе Гөлзадә Кычакова: «биредә җылыткычлар җылылыкны саклый. Тавыш изоляциясе буенча өстәмә җайланмалар куелган, балалар мәйданчыклары күп функцияле, барысы да исәпкә алынган, ял итү өчен мөмкинлекләр җитәрлек.»
Йорт янында мәктәп һәм ике балалар бакчасы бар. Аның берсе эшли, ә икенчесе төзелеп бетү алдында. Ә тиздән янәшәдә күл һәм фонтанлы парк та булачак. Бу яңа йортка күчүчеләргә бик ошый.
Кышын фатирларда һәм подъездларда бик җылы.
Ләлә Зәйнуллина,Инна Данилова, Дамир Мөхәммәтханов, Татарстан яңалыклары.
