Беренче сәгатьләрдә үк мәктәп янында стихияле мемориал барлыкка килде. Көне буена һәм узган төндә бирегә чәчәкләр салдылар, уенчыклар куйдылар, шәм кабыздылар. Бүген дә бирегә кешеләр ташкыны өзелми. Ялгыз һәм бөтен гаиләләре белән киләләр. Күпләре балалары белән килә. Казанда гына түгел, Россиянең күп кенә төбәкләрендә дә мондый хәтер мемориаллары барлыкка килде. Дөньяның барлык төбәкләрендә Татарстан халкына теләктәшлек белдерәләр. татарстанлылар хәсрәтендә бөтен ил һәм дөньяда җавап бирделәр. Мәскәүдә хәтер мемориалы Татарстан Республикасының рәсми вәкиллеге бинасы янында урнашты.
