Казанның «Динамо-Ак Барс» ирләр командасы чирәмдәге хоккей буенча 19 нчы тапкыр Россия чемпионы булды. Спортчылар белән Татарстан Президенты Рөстәм Миңнеханов очрашты.
Казан Кремлендә чемпионнар кубогын 19 тапкыр күрсәттеләр. «Динамо-Ак Барс» ирләр командасы чирәмдәге хоккей буенча ил беренчелегендә нәкъ менә шуның кадәр уңышка иреште. Ел саен команданы Татарстан Президентының кабул итүе традициягә әйләнде.
Сезон тәмамланырга берничә тур калганчы ук, казанлылар алтын медаль яулады. Якындагы көндәштән аерма зур иде. Команда соңгы уеннарда катнашмаса да, чемпион исемен алырлык очко запаслары бар иде. Сезонның йомгаклау очрашуында казанлылар Азовның «Тану» командасын 8:1 исәбенә отты.
һәр сезон безнең өчен бик авыр килеп чыга, чөнки барлык командалар да безнең белән уенга җитди әзерләнә. без күп тапкырлар чемпионнарбулгач, барысы да безне җиңү омтылышы белән уйный.
Уенчылар Рөстәм Миңнехановка уңышларның сере турында сөйләделәр. Татарстан Президентына клуб үзенең җиңү символын бүләк итте.
Сезнең җиңү — республиканың чирәмдәге хоккей үсешенә өстәмә импульс, үсеп килүче буынга менә дигән үрнәк. Динамо олимпия резервы мәктәбендә 865 бала шөгыльләнә. Бу-иң мөһиме!
Казанлылар 24 уенда 66 очко җыйды. Татарстан Президенты команданы дәүләт бүләкләре белән бүләкләде.
бүгенге очрашу-киләсе елга беренче уңышларның нигезе ул. Киләчәктә 20 нче тапкыр җиңәргә тырышабыз.
Казан клубы киләсе җиңүләргә чыннан да ышана. Чемпионнар кубогын үзләрендә калдыру теләге көчле.
Айнур Вәлиәхмәтов, Ренат Сәхибгәрәев, Татарстан яңалыклары
