Мөмкинлекләре чикләнгән кешеләрнең махсус Олимпиадасына волонтерлар сайлап алып, укыталар. Алар рекрутинг үзәгендә онлайн һәм оффлайн форматларда сынау һәм тест уза.
Махсус уеннарга волонтерлар сайлыйлар. Эш тәҗрибәсенә, телләрне белүгә һәм кызыксынуга игътибар итәләр. Валерия Сугак инде беренче тапкыр гына волонтер булып эшләми. Аерым балалар белән эшләүдә иң мөһиме – толерантлык һәм уртак тел таба белү, дип саный.
Валерия Сугак: «Алар белән элемтә урнаштыру, уртак тел табу өчен кызыксынуларына төшенергә кирәк. Алар спорт белән нык мавыга. Әйе, аларның үсеш ягыннан кимчелекләре бар, ә менә җиңүгә омтылышлары бик көчле. Шул якка игътибар итәргә, аларга көч биреп торырга кирәк.»
Рекрутинг үзәге-онлайн һәм оффлайн форматларда сынау һәм тест уза торган урын. Волонтерларның теләкләрен, сәләтләрен исәпкә алып, 25 юнәлеш буенча сайлыйлар. Шулай ук Идел буе дәүләт физкультура академиясе базасында адаптив физик культура кафедрасы эшли.
Идел буе дәүләт физик культура, спорт һәм туризм академиясе ректоры вазыйфаларын башкаручы Рафис Борһанов: «Аларның туклануын оештыру, яшәү күнекмәләре, төрле гигиена процедуралары үткәрүдә булышалар. Иң элек оештыру чараларына, уүзара аралашырга өйрәтәбез, һәр сүзнең алар өчен әһәмияткә ия булуын аңлатабыз.»
Рекрутинг үзәге биш ел дәвамында төрле чараларда эшләү өчен булачак волонтерлар әзерли. Махсус Олимпиада өчен биредә биш мең гаризадан ике мең биш йөз кеше сайлап алына. Алар Россиядән һәм чит илләрдән килгән волонтерлар.
Елизавета Жукова, Дамир Мөхәммәтханов Татарстан яңалыклары.
