Казанда Салих Япеевның бронзадан эшләнгән бюсты һәм аның исемен йөрткән сквер ачылды. Тантанада Татарстан Президенты Рөстәм Миңнеханов катнашты.
Генерал-лейтенант Салих Җәләлетдин улы Бөек Ватан сугышы ветераны иде, ТАССРның эчке эшләр министры булып эшләде. Татарстан президенты каһарман мирасының буыннар хәтерендә калуын билгеләп үтте. Традицияләрне, мираска карата хөрмәт һәм ветераннар тәҗрибәсенә игътибар иткән өчен хәзерге эчке эшләр министры Артем Хохоринга рәхмәт белдерде.
