Башкалабыз Казанда «Россия ислам дөньясы» халыкара иктисадый форумы үз эшен дәвам итә. Бүген масштаблы чараның 4 нче көнендә форумында эшлекле программа башланды Казан Экспо күргәзмәәр үзәгендә көн дәвамында түгәрәк өстәлләр, утырышлар, конференцияләр, шеф-поварлар турнирын бүләкләү тантанасы уза. Исегезгә төшерәбез, кичә «Россия — Ислам дөньясы» стратегик күзаллау төркеме утырышы үтте. Аны Респбулика Рәисе Рөстәм Миңнеханов үткәрде. Форумда катнашучыларны Россия Президенты Владимир Путин сәламләде. Аны Россия хөкүмәтенең вице-премьеры Марат Хөснуллин укыды.
Президент билгеләп үткәнчә, Россия традицион рәвештә мөселман илләре белән мөнәсәбәтләрне хуплый һәм аларның бәйсез сәясәт үткәрергә, халыкара эшләрдә катнашырга омтылуын бәяли. Дәүләт башлыгы республика казанышларын төрле өлкәләрдә билгеләп үтте, алар Россия мөселманнарының һәм төрле милләт халкының тотрыклылыкны һәм татулыкны тәэмин итүгә, Россияне үстерүгә, аның суверенитетын һәм йогынтысын ныгытуга керткән уңышларын билгеләп үтте. Форум үз эшен 19 майга кадәр дәвам итә.
