Казанда Украинада махсус операция барышында батырларча һәлак булган 25 яшьлек лейтенант хөрмәтенә бер йорт стенасына аның зур сүрәтен ясадылар. Бу хакта киләсе репортажда.
Намуслы, тыйнак, тәртипле. Дамир Исламовны укытучылар һәм студентлар әнә шулай искә ала.
Танк училищесына ул мәктәптән соң ук укырга керә. Коллективта лидерлык сыйфатлары белән аерылып торган, гел алгы сафта булган.
Зур күләмле паннода ул шулай сүрәтләнә.
Укуын тәмамлап, Лениногорск шәһәрендә туган 25 яшьлек егет Ростов өлкәсенендә хәрби частьтә хезмәт итә. Украинадагы махсус операциядә катнаша. Исламов җитәкләгән танк экипажы биш танктан дүртесен юк итә. Соңгысын юк итәргә өлгерә алмый, һәлак була. Батырлыгы өчен гомере өзелгәч, өлкән лейтенантка Россия Герое исеме бирелде.
Батырлык турындагы хәтер-хәзер туганнары һәм якыннарының йөрәгендә генә түгел, герой исеме зур сүрәтендә мәңгеләштерелде.
Рәссам салмак хәрәкәтләре белән берничә метр биеклектә Россия Героенең сүрәтен ясый. Ул вакыт узган саен җанлана бара. Рәссам каһарманның горур карашын сүрәтләүгә аерым игътибар биргән.
Дамирның сүрәте төшерелгән йорт танк училищесыннан ерак түгел генә. Хәзер каһарман егет һәрвакыт булачак Ватан сакчылары янәшәсендә.
Гүзәл Зәйнакова, Александр Решеткин, Татарстан яңалыклары.
