Казанда су төрләре буенча спортчыларны Олимпия уеннарына әзерләү өчен база булдыруга барлык шартлар да бар.
«Синтез» спорт клубының Татар-информ агентлыгында узган еллык матбугат конференциясендә клуб җитәкчелеге һәм спортчылар узган Олимпия уеннарына йомгак ясады, киләсе сезонга планнары белән уртаклашты. Шулай ук күнегүләр уздыру өчен база булдыру мөмкинлекләре турында фикер алыштылар. Шунысын да билгеләп үтәргә кирәк, су тубы буенча Россия ир-атлар җыелма командасы Казанның «Синтез» ватерполо клубы спортчыларыннан тора. Әмма хәлиткеч уенда җиңелү сәбәпле, алар Олимпия уеннарына эләгә алмады.
