Казанда халык җырчысы Әлфия Авзалова исемендәге милли –мәдәни үзәк оештырылды. «Туган авылым» комплексында урнашкан үзәк ачылышында Татарстан президенты Рөстәм Миңнеханов катнашты. Легендар җырчының исемен мәңгеләштерү чарасыннан безнең махсус репортаж.
Әлфия Авзалованы халык ничек бар – шулай чаялыгы гадилеге, туры сүзе, бар булмышы белән үз кызы итеп кабул итте. Аны белгән буын күңелендә Әлфия апа моң булып яши. Шуңа да ул еш кына моң патшабикәсе дип телгә алына.
Истәлекле вакыйгада катнашкан Салават Фәтхетдинов үзәкне, тормыш кайнап торган очрашу , танышу. фикерләшү, яңа җырлар тәкъдир итү урыны буларак күрә. Шәкертләрен дә яңа уку елыннан махсус шушында җибәрергә җыена.
Тормышымда әнидән һәм хатыным Ләйсәннән кала , Әлфия апаны яратам дип форсаты чыккан саен искәрткән Салават Фәтхетдинов, Әлфия апа истәлегенә һәйкәл куярга тәкъдим иткән иде. Кызганыч, әлегә анык кына җавап бирүче юк, түрәләрнең сүз белән гамәл арасы олы юл кебек озын. Әмма шунысы бәхәссез Әлфия апа бер генә.
Айга егерме, ә көненә өчәр концерт куя идек дип искә ала гомерлек тугры юлдашлары. Алар кайбер уен коралларын Актаныштагы музейга да да тапшырган иде.
Әлфия апа кебекләр турында эчендәге тышында диләр.Ул аның бөтен барлыгында чагыла. Әнә бит яңа буын сынчысы , җырчыны тыңлап үсмәсә дә тач үзенә охшатып сынын коеп куйган.
Әлфия Авзалова турында бик күп материаллар белән танышып чыктым, Аеруча җырларын тыңладым. Кызы Зөлфия дә Әлфия апага бик ошаган. Шулар тәэсирендә эшкә тотындым һәм җырчы образын ак төстә сурәтләргә булдым. Сәхнәдән халыкка яктылык, нур бөркүче.Үземчә , максатыма да ирештем, эшемнән канәгать калдым.
Әлфия Авзалованың тормышын һәм иҗатын чагылдырган әлеге үзәкнең бизәлеше, күргәзмәләре беренче карашка гадәти кебек тоела, әмма дизайнер аңлатуынча Әлфия апага хас үзенчлекләр дә исәпкә алынган.
Ә Әлфия апаның яраткан төсе зәңгәр.Үзәк эчендә шулай ук гармуннар күргәзмәсе дә аерым урын алып тора, аны Расих Сабирҗанов бүләк иткән.
Халыкчан җырчының урыны “Туган авылым”да булырга тиеш дип Радик Абдрахманов, әлеге үзәкне нәкъ менә биредә оештырыга тәкъдим итә.
Әлфия Авзалова исемендәге фестиваль лауреаты Татарстан Республикасы Президенты Рөстәм Миңнеханов һәм башка рәсми кунаклар алдында чыгыш ясады. Шулай ук җырчының кызы рәсми кунаклар өчен экскурсия үткәрде. Әлеге үзәкне яшьләр өчен зур үрнәк дип атады Татарстанның мәдәният министры
Бирегә килүчеләргә тыңлау гына түгел җырлау мөмкинлеге дә бар.
Әлфия апа сәхнәгә борынгы җырлар белән килә. Татарстан дәүләт җыр һәм бию ансамблендә эшләгәндә “Кәккүк” белән таныла. Аннары “Казан сөлгесе”, “Гөлҗамал” һәм тагын 500 дән артык җыр. Гомеренең соңгы көненә кадәр тормышка гашыйк иде Әлфия апа. Ул үсмер чактан язмыш сынаулары белән көрәшеп чыныккан шуңа да яшәүнең, иикмәк валчыгының кадерен белгән җырчы. Аны, хәтта, хастаханәдә ятканда да җырлаган диләр.
Әлеге җырдагыча соңгы чиккә барып җиткәндә дә туйдым синнән дөнья димәде. Язмыш Әлфия апаны ничек кенә сынаса , сүнмәде .Берсеннән- берсе тырыш ике кыз үстергән бәхетле әни иде ул. Кызлары аның исемендәге фонд оештырып яңа талантлар ача. Фестивальдә катнашучылар Әлфия Авзалова эзләреннән чит илләрдә концертлар оештырды. Ә хәзер аңа багышланган аерым мәдәни үзәк ачылды. “Туган авылым” хәзер Әлфияле булды.
Әлеге пәрәмәчләр махсус Әлфия апа рецепты белән пешерелгән.
Мөршидә Җиһан , Таһир Хәсәнов, Татарстан яңалыклары.
