Казанда 11-13 март көннәрендә Идел буе дәүләт физик культура, спорт һәм туризм университетында билбау көрәше буенча Россия беренчелеге уза.
Ярышларда Россиянең егерме биштән артык төбәгеннән ике йөздән артык спортчы катнаша, дип хәбәр итә Татарстан Республикасы Спорт министрлыгы.
13-14 яшьлек, 15-16 яшьлек һәм 17-18 яшьлек көрәшчеләр тугыз авырлык категориясендә көч сынаша. Алар югары уку йортының укыту-лаборатория комплексының универсаль залында үтә.
Турнир нәтиҗәләре буенча иң көчле спортчылар 2022 елгы дөнья беренчелегендә Россия җыелма командасы составына эләгә.
