Казанда хосписның икенче чираты төзелеше башланды. Ул олы яшьтәге авырулар өчен генә билгеләнгән. Территорияне чистартып, җирне казуга керештеләр. Хоспис төзелеше кайсы стадиядә? Киләчәктә ул нинди булачак? Хәбәрчебез ачыклады.
Экскаватор сигналы КАМАЗ машинасының йөк белән тулуын белдерә. Көнгә 50 шәр әрҗә ком чыгарыла. Төзелешнең беренче этабында – грунт казыла, фундамент өчен нигез салына.
Төзелеп килүче бинаның чикләре казылган урыннан яхшы күренә. 4 метр тирәнлектә бинаның аскы каты әзер инде. Эшләр уңышлы бара. Төзүчеләр казу эшләрендә кыенлыкларга очрамаган.
Параллель рәвештә подстанциягә дә нигез салалар. Ул хосписны электр һәм җылылык белән тәэмин итәчәк.
Марсель Имаев: Комлы грунт бина фундаменты өчен яхшы нигез булып тора. Грунт юдыртылгач, без аны тыгызлаячакбыз.»
Бу ике катлы, 60 урынга исәпләнгән стационар булачак. Бер бинада урнашкан уникаль комплек с-мәчет тә, чиркәү дә, люкс класслы палаталар да булачак. Хоспис-өлкәннәр өчен генә билгеләнгән. Татарстанда мондый объект юк иде әле.
Фонд идарәсе рәисе, ТР Дәүләт Советы депутаты Владимир Вавилов: » бездә Татарстан буенча 2500 артык пациент ярдәмгә мохтаҗ. Ә безнең хосписта барлыгы 18 койка. Биредә өлкәннәр генә булачак. Хосписның беренче катында 30 койка булачак. Икенче катта да шулкадәр койка куелачак.Биредә даими яшәү мөмкинлеге булачак.»
Яңа объект төзелгәч, балалар хосписында да урыннарны арттыру планлаштырыла. Стационарның кайчан әзер булачагын тәгаен генә әйтмимләр. Хоспис хәйриячеләр акчасына төзелә бит. Әлегә өч йөз миллион сум урынына 37се җыелган.
Айнур Вәлиәхмәтов, Сергей Павлухин.
