Бер мәйданчыкта берьюлы дөньяның 25 иленнән вәкилләр җыйналды. Алар 18дән алып 35 яшькә кадәрле эшмәкәрләр, аграр югары уку йортлары активистлары, студентлар. Форум делегатлары ниләр турында фикер алышты? Киләсе репортажда.
Айти паркта агросәнәгать комплексының 200дән артык вәкиле. Авылларда эшләргә һәм аларны үстерергә әзер булган яшь белгечләр, студентлар, эшмәкәрләр. Казан халыкара тәҗрибәне уртаклашу мәйданына әйләнде. Авыл яшьләре конгрессында 25 ил вәкиле катнашты. (Пакистан) Наваб Кайсер:” Безгә бик файдалы очрашу.Конгресста авыл хуҗалыгында кулланыла торган яңа технологияләр турында ишетәбез. Пакистанның үз тәҗрибәсе бар, ә безнең камилләшәсе килә.” (Мисыр)
Мөхәммәтдин Мөхәммәд Гамал Эламир: “ Безнең оешма хезмәттәшлекне үстерү ягында. Авыл хуҗалыгы өлкәсендә ул бигрәк тә кирәк. Үзара тәҗрибә уртаклашу мөмкинлеге туганга мин бик шатмын.”
Авыл җиренә ничек итеп яшьләрнең игьтибарын җәлеп итәргә? Авылда эшмәкәрлекне ничек үстерергә? Россия вәкилләре дә тәҗрибә уртаклаша.
Чиләбе өлкәсеннән Әкбар Мортазалиев үз участогыннан 30 сутый җирне спорт мәйданчыгын төзүгә биргән. Анда авыл яшьләре көрәш, баскетбол, каратэ, бокс һәм хәтта йога белән дә шөгыльләнә алачак. Бу аның плннарының бер өлеше генә.
Авылларда яшәүче яшь белгечләрнең шундый күләмле очрашулары беренче тапкыр уза. Россия Федерациясе президенты Владимир Путин гранты ярдәмендә Казан халыкара аралашу өчен пилот мәйданчыгына әйләнде.
ТР Премьер-министры урынбасары – Авыл хуҗалыгы һәм азык-төлек Министры Марат Җаббаров: “Агросәнәгать комплексында инновацион фикерләре булган яшь белгечләргә ихтыяҗ зур.Сез берләшү өчен җыелдыгыз. Мин авыл яшьләренен халыкара конгрессы яшь буынның күп яңалыклар кертүгә әзер булуларына ышанам. Хезмәттәшлек элемтәләре авыл тормышына бәйле күп мәсьәләләрне хәл итәргә булышачак.
Конгресста катнашучылар дискуссияләрдә, эшлекле уеннарда катнашалар. Фикер алышулар Мамадыш районында дәвам итәчәк. Конгрессның эш нәтиҗәләре буенча рус, инглиз, башка телләрдә методик кулланма бастырып чыгарачаклар.
Регина Сафиуллина, Ленар Хәбибуллин.
