Бүген республикада кабат эссе һава торышы көтелә. Көндез һава температурасы 34 градуска кадәр күтәреләчәк. Мондый кызу көннәрдә кешеләрне кондиционер, туңдырма, салкын су яки квас коткарса, хайваннар мондый эсселекне авыррак кичерә. Кече туганарыбызга ничек итеп булышырга мөмкин? Казан зоопаркыннан репортаж.
Бу көннәрдә Якут кушаматлы ак аю өчен бозлы судан да сихәтле эчемлек юк. Казан зооботаника бакчасында әлеге хайванны барысы да ярата. Көн кызуында аңа җиңел түгел, салкын суда, туңдырма да бирәләр.
Менә бер атна инде термометр баганалары утыз градустан эссене күрсәтә. Ә хайваннар моны сизми дә диярлек. Чөнки читлекләргә суыту системасы урнаштырылган.
Кешеләр өчен махсус системаны әлегә уйлап тапмаганнар. Шуңа күрә алар бушрак вакытларын фонтан янында үткәрәләр. Биредә иркенләп сулыш алырга була.
Шәһәр халкы эсселектән төрлечә саклана. Туңдырма, квас, салкын су – хәзер иң популяр товарлар.
Атна ахырына кадәр Татарстанда җылы көннәр торачак. Һава температурасы утыз градус һәм аннан да күбрәк булачак.
Вадим Струминский, Дамир Мөхәммәтханов, Владимир Юрков.
