16 нчы Казан мөселман киносы фестиваленә ярты миллионга якын гариза җибәрелгән. Быел ул «Мир» кинотеатрында дүртенче сентябрьдән узачак. Бу хакта Татар –информ агентлыгында узган матбугат конференциясендә «Татаркино» директоры Миләүшә Айтуганова сөйләде. Быел кино сөючеләрне нинди яңалыклар көтә? Киләсе сюжетта.
Дөньяның 52 иленнән ярты миллион заявка килгән. Фестивальгә Россия һәм чит ил кинематографистларының тасмалары килде. 2019 нчы һәм 2020 ел башы фильмнары. Фестивальгә Сергей Бондарчук, Александр Прошкин, Владимир Меньшов кебек танылган белгечләрнең килүе көтелә. Нәкъ менә алар элегрәк Казан кинофестиваленең жюри рәисләре иде.
«Татаркино» директоры Миләүшә Айтуганова : «Хәзер онлайн-фестивальләр бар, әмма без тагын да алга барырга һәм фильмнарны трансляцияләргә генә түгел, ә инде булган платформаны да игътибарга алырга телибез, ул актерлар — картиналарның төп геройлары һәм танылган режиссерлар белән онлайн аралашырга мөмкинлек бирәчәк.»
Фестиваль 2015 елдан башлап Татарстан Президенты Рөстәм Миңнеханов ярдәме белән үткәрелә. Быел жюри хөкеменә 12 тулы метражлы нәфис, 10 тулы метражлы документаль, 20 кыска метражлы нәфис фильм һәм 10 «Милли программа» фильмы тәкъдим ителәчәк. Шулай ук Европа һәм Австралия картиналары да күрсәтеләчәк.
«Татаркино» директоры Миләүшә Айтуганова:: » Быел нәкъ менә Ислам дөньясы кызыксыну уята. Малайзия, АКШтан берничә фильм җибәрделәр, без элегрәк тә алардан фильмнар кабул итә идек. Австралиядән дә фильм булачак.»
Казан кинофестивалендә Иран һәм Кыргызстан киносы көннәре дә узачак, анда кинематографистлар үзләренең яңа картиналарын тәкъдим итәчәк. Алар яз көне узарга тиеш иде. Ләкин коронавирус пандемиясе таралу куркынычы сәбәпле, бу чаралар мөселман киносы фестивале вакытында узачак. Катнашу өчен заявкалар 1 июньгә кадәр кабул ителә. Төп темаларның берсе – ТАССР төзелүнең 100 еллыгы.
Ралина Абрамова.
