«Казан» гаилә үзәгенең күзәтү мәйданчыгы шәһәрлеләр өчен янәдән ачылды. Үз изоляция чорында ул керү өчен ябылган иде.
Хәзер Казан халкы һәм кунаклары 32 метр биеклектән шәһәр манзарасы белән ләззәтләнә алачак. Кунаклар бирегә килгәндә социаль дистанцияне үтәргә, шәхси саклану чараларын — битлекләр һәм перчаткалар кулланырга тиеш.
Мәйданчык көн саен иртәңге сәгать уннан кичке унга кадәр эшләячәк, дип хәбәр итә Казанның Парклар һәм скверлар дирекциясе.
