«Казан форумы» кысаларында КФУда узган панель дискуссиядә ЮНЕСКО Бөтендөнья мирасының Төбәкләрнең тотрыклы үсешендә роле турында сүз барды.
Татарстан-традицион мәдәниятләр һәм диннәрнең күп гасырлык тыныч яшәешенең уникаль территориясе. Шуңа күрә республиканың конкрет тәҗрибәсе дистәләгән ил вәкилләре – белгечләр, культурологлар, политологлар һәм студентлар өчен файдалы булачак. Бүген алар Татарстанның Беренче Президенты Минтимер Шәймиевнең видео мөрәҗәгатен игътибар белән тыңладылар. Ул билгеләп үткәнчә, мөселман һәм православие цивилизацияләренең борынгы һәйкәлләрен торгызу буенча масштаблы проект халкыбызның ике үзенчәлегенә — хәйриячелек һәм рухилыкка кагыла.
Республика җитәкчелеге исеменнән «Россия-Ислам дөньясы» 14 нче халыкара икътисадый форум кунакларын Фәрит Мөхәммәтшин сәламләде. Парламент Рәисе ассызыклаганча, этникара тынычлык һәм динара татулык безнең үсеш моделенең нигезенә салынган. Ул бүген республикада өч объектны искә төшерде-Казан Кремле, Болгар һәм Зөя утрау-каласындагы Успение соборы ЮНЕСКОның Бөтендөнья мирасы исемлегенә кертелгән.
Башта реставрация ясарга, фәнни нигезләмәне документлар белән рәсмиләштерергә , бу объектларның тагын берничә гасыр күз уңында булачаклыгын исбатлап күрсәтергә кирәк иде.
