Казан Агросәнәгать паркында «Осталар шәһәре» республика ярминкә-күргәзмәсе узды. Алдагы еллар белән чагыштырганда, һәр муниципаль район колледжлар һәм техникумнар, шулай ук башка кызыксынган предприятиеләр белән берлектә үз экспозиция мәйданчыгын тәкъдим итте.Ярминкә барышы белән хәбәрчебез Ләлә Зәйнуллина таныштыра.
Биредәге оештыру шартларыннан, уңай атмосферадан биюгә кушылып китәсе килә. Арзан бәядән һәм күңелеңә ошаган төрле тәм-том, яңа товарлар – бу республикада авыл хуҗалыгы ярминкәләренең күпьеллык кагыйдәсе.
Казанның Батыршин урамындагы сату итү чатыр мәйданчыгы аена ике шимбәдә Чүпрәле фермерлары, кооперативлары һәм шәхси ярдәмче хуҗалыклар карамагында.
Парламент Рәисе Фәрит Мөхәммәтшин инде берничә ел Президент кушуы буенча авыл халкының хезмәт активлыгын арттыру темасына кураторлык итә. Шуңа күрә ярминкәдә ул чираттагы ассортимент белән таныша, сатып алучылар белән аралаша.
Бәяләргә килгәндә бәрәңгенең бер килограммы- 18 сум, суган һәм кишер 25 сум тирәсе, ит төренә һәм җитештерүчесенә карап, әмма кибетләргә караганда шактый арзанрак.
Ул көннке Агросәнәгать паркында һөнәри техник белем бирү активистлары һәм студентлары гаҗәпләндерде. Татарстан башкаласында ел саен үткәрелә торган республика ярминкәсе- «Осталар шәһәре» авыл хуҗалыгы продукциясе һәм техник иҗат эшләнмәләре күргәзмәсе 25 нче мәртәбә узды.
Сарман аграр көллияте студентлары карамагында 715 гектар җир бар. Алар ашлык, рапс, яшелчәләр үстерәләр. Үзләре дә чәчү һәм урып-җыюда эшлиләр. Бу сатуга 10 тонна продукция алып килгән.
Ярминкәгә һәр лицей, колледж җәлеп иттелгән. Кайберләре дәртле номерлар күрсәтсә, икенчеләре гадәти булмаган уеннар белән катнашты. Ә Буа ветеринария техникумы студентлары үзләренең кулинария осталыкларын күрсәтте. Әлбәттә, боларның барысын да лаеклы бәяләнде.
Шимбә көнне Агропромпарк мәйданында ничә казанлы булганын әйтүе кыен, әмма көллият командалары да, сатып алучылар да канәгать калды.
Ләлә Зәйнуллина, Дмитрий Второв, Ленар Хәбибуллин, Илдар Сафиуллин, Татарстан яңалыклары.
