Үз сәламәтлегеңә аерым игътибар бирергә кирәк. Карантин чорында гамәлдә булган дөрес туклану, чыныктыру, санитар чараларны үтәү турында да онытмау зарур. Авырып киткән очракта, шунда ук табиблар ярдәменә мөрәҗәгать итү мөһим. Бу көннәрдә республикадагы фельдшер-акушерлык пунктларында белгечләр тәүлек әйләнәсе диярлек эшли. Биектау районыннан репортаж.
Хәзер табиблар өчен кызу вакыт, — ди фельдшер Луиза Бәдретдинова. Салкын тию авырулары сезонында кечкенә пациентларга өлкәннәргә караганда да күбрәк вакыт бирергә кирәк. Көн саен дистәләгән пациентка медицина хезмәте күрсәтелә, консультацияләр бирелә.
Кешеләр нигездә консультациягә киләләр. Үз авыруларның җитдиме-түзелме, ничек дәвалау мөмкинлекләре белән кызыксыналар. Күп очракта тиешле ярдәмне үзебез күрсәтәбез.
Авыруны карау,анализлар тапшыру барысы да бер урында үткәрелә. Фельдшер-акушерлык пункты заманча җиһазлар белән җиһазландырылган.
ТР сәламәтлек саклау министры урынбасары Илдар Фатыйхов: «Республикада 507 фельдшер-акушерлык пункты, 35 табиб ярдәме күрсәтү амбулаториясе төзелгән. Махсус программа буенча 1400 дән артык фельдшер-акушерлык пункты, 95 амбулатория ремонтланды.»
Быел республикада барлыгы 50 фельдшер-акушерлык пункты һәм 8 табиб амбулаториясе төзергә планлаштыралар. «Сәламәтлек саклау» милли проекты ярдәмендә авыл халкына медицина ярдәме күрсәтү үтемлерәк булачак.
Гүзәл Зәйнакова, Дамир Мөхәммәтханов.
