Шушы көннәрдә Карачай-Черкес Республикасында «Иң яхшы туган тел һәм әдәбияты укытучысы-2023″ бөтенроссия педагогик осталык конкурсы узды. Анда бөтен илдән 104 педагог катнашты. Казандагы 41 мәктәпнең мәктәпкәчә төркем тәрбиячесе Айсылу Лотфуллина әлеге бәйгенең җиңүчесе булды, ә Казанның » 13 гимназия укытучысы Алинә Шәгәрәева Россиянең иң яхшы 5 укытучысының берсе булып танылды. Бәйгедә бөтен Россиядән 72 укытучы һәм 32 тәрбияче катнашкан.
Җиңүчене Габдулла Тукай исемендәге “Казан” халыкара аэропортында Татарстан мәгариф һәм фән министры Илсур Хәдиуллин, коллегалары, хезмәттәшләре һәм күп санлы җанатарлар каршылады. Һәрберсенең күңелендә шатлык, горурлык билгеләре ташып чыккан.
Бәйге бик катлаулы. Катнашучыларның саны да шактый. Ләкин җиңүгә омтылыш, үз эшеңне белеп, яратып эшләгәндә барлык авырлыклар да артта кала.
Шушы форсаттан файдаланып, Татарстан мәгариф һәм фән министры Илсур Хадиуллин барлык тәрбиячеләрне, мәктәпкәчә яшьтәге балаларга белем бирүче укытучыларны профессиональ бәйрәмнәре белән тәбрикләде.
Айзилә Батрханова, Фәннур Хәсәнов, Ленар Хәбибуллин Татарстан яңалыклары.
