“Кар десанты” кабат Буа районында. Студентларның эшче төркемнәре Буа ветеринария техникумы студентлары белән берлектә, тыл һәм сугыш ветераннарына, өлкәннәргә һәм ярдәмгә мохтаҗ кешеләргә ярдәм итә. Төркемнең чираттагы эш көне Әлки авылы территориясендә узды. Биредә алар укучылар янында булды, тыл ветераннарына ярдәм иттеләр. Студентлар авыл халкы күңелендә нинди хисләр уятканлыгын үз хәбәрчеләребез белеште.Тулырак киләсе язмада.
Казан дәүләт энергетика университеты һәм Буа ветеринария студентларыннан торган “Кар десанты” отрядының бу көне Әлки авылы мәктәбендә флэш-моб белән башланып китте. Шунда ук студентлар оригами буенча осталык дәресләре үткәрделәр һәм чын бәйрәм тортын ничек пешерергә кирәклеген күрсәттеләр.
Россиядә эшче -студентлар отрядлары арасында «Кар десанты» 50 елга якын эшли. Районда алар икенче тапкыр. Быел Республикада шундый 7 отряд оештырылган. Ә узган ел берәү генә булган.
Гомер буе колхозда эшли. 34 ел трактор бригадиры була. Сугыштан соңгы елларның барлык авырлыкларын күрә. Студентлар Тәлгат Мөхәмәдишинның тормышы, сугыш еллары турында күп кенә вакыйгаларны белделәр.
Кар десанты «отряды командиры Артур Рәхимкулов: «Без 6 мәктәптә булып, балаларга төрле осталык дәресләре уздырдык. Буада картлар һәм инвалидлар йортында, Бөек Ватан сугышы һәм тыл ветераннары янында булдык. Гомумән алганда, мондый эшчәнлек безнең өчен бик тә мөһим.»
Буада “Кар десанты » нәкъ бер атна булачак. Ә 17 апрельдә отрядларның республика слеты узачак. Аның кысаларында студентлар нәтиҗәләр чыгарачаклар. Шундый ук чара Буа районында узачак.
Ранис Әхмәтшин, Айрат Насруллов.
