“Кама таңнары” оешуга 55 ел тулды. Шушы чор эчендә берләшмәдә 200дән артык иҗат кешесе каләм тибрәткән, 200гә якын китап нәшер ителгән, “Кама таңнары” альманахлары дөнья күргән. Олуг юбилейларын язучылар “Җидегән чишмә” әдәби-музыкаль кичә кысаларында билгеләп үтәләр. Очрашуга каләм әһелләре, сәнгать коллективлары, әдәби берләшмәнең элеккеге һәм бүгенге әгъзалары чакырыла.
Рахмай Хисмәтуллин, Хатыйп Касыймов, Илдар Хәйруллин…. 55 ел эчендә “Кама таңнары”нда 200дән артык иҗат әһәле каләм тибрәткән. 200 дән артык кеше Язучылар союзы әгъзасы дәрәҗәсенә үскән. Тукай премиясе лауреатлары да бар.
“Кама таңнары” оешуга 55 ел тулуын язучылар “Җидегән чишмә” әдәби-музыкаль кичә кысаларында билгеләп үтәләр. Әйтергә кирәк, әдәби берләшмә «Ләззәт» һәм «Илһам» ансамбльләре белән һәрчак иҗади дуслыкта яшәгәннәр. Флүр Гайнемөхәммәтов, Илһам Хисмәтуллин күп кенә шагыйрьләребезнең шигырьләренә көйләр язган, һәм бу күркәм гадәт бүген дә дәвам итә.
Юбилей кичәсендә иҗат әһелләре тамашачыны әсәрләре белән сөендерделәр. Алар иҗат иткән шигырьләргә язылган җырлар яңгырады. Шигърият бәйрәменә каләм әһелләре, сәнгать коллективлары, әдәби берләшмәнең элеккеге һәм бүгенге әгъзалары чакырыла.
Гөлия Нигматуллина, Рафаэль Ракыйпов, Татарсран яңалыклары, Түбән Кама.
