Яшел Үзән раойнында сәламәтлеге ягыннан мөмкинлекләре чикләнгән балалар өчен балалар мәйданчыгы төзелде.
Ярославка һәр адым авыр бирелә, әмма әнисе Зөлфия Шорина улы белән даими шөгыльләнә. Аны укыту өчен махсус шартлар кирәк. Яшел Үзәндә сәламәтлеге ягыннан мөмкинлекләре чикләнгән балалар өчен балалар бакчасы барлыгын белгәч, бик шатландым, ди.
Ралинә һәм Карина — игезәкләр, балалар бакчасына ике елга якын йөриләр. Әниләре аларны күз алдында үсә,үзгәрә, ди. Монда плюслар күп, балалар педагоглар күзәтүе астында, ә ата-аналар тыныч кына үз эшләрендә эшли алалар. ДЦП белән авыручылар өчен мәгариф учреждениесендә аларның үзенчәлекләрен исәпкә ала торган аерым кайгырту һәм шартлар кирәк. Төркемнең йөреп кайтыр өчен уңайлы участогы булмаган.
1нче балалар бакчасы мөдире Альбина Хәбибуллина «Березка» төзелеш маркеты җитәкчесе Рузилә Тимергалиевага әлеге махсус балалар өчен мәйданчык төзүне сорап мөрәҗәгать итте.
Балалар физик яктан гына башка балалардан артта калалар, акыл ягыннан алар гади балалар кебек, шулай ук укыйлар , рәсем ясыйлар, аппликация, математика, сөйләм үсеше белән шөгыльләнәләр.
Тантанада Рәхмәт хатларын Андрей Мальков алды — ул өслек ябу өчен җавап биргән, Елена Филиппова — җиһазлар урнаштырган. Әниләр хәйриячеләргә рәхмәт белдерделәр һәм тернәкләндерү буенча инструктор да бүлеп бирүне сорадылар. Район башлыгы бу эштә ярдәм итәргә вәгъдә итте.
Уңайлы махсус мохит булдыру сәламәтлеге ягыннан мөмкинлекләре чикләнгән балалар үсешенә ярдәм итәчәк. Яшел Үзәндә мондый төркем әлегә бердәнбер, әмма аларны башка балалар бакчалары базасында да эшләргә ниятлиләр.
Айгөл Гатауллина, Рузия Дәүләтшина, Андрей Лопатников, Татарстан яңалыклары, Яшел Үзән районы.
