Хәзер Татарстанның күпфункцияле үзәкләрендә ике йөздән артык төр хезмәт күрсәтелә. Шуларның йөздән артыгын быел цифрлаштыралар. Болар беренче чиратта электрон формадагы төбәк һәм муниципаль хезмәтләргә караячак.
Роза Хәйретдинова: “Без фатирга милек хокукын рәсмиләштерәбез. Әлегә иске документларны кулланабыз, аларны яңартырга иде исәп. Киләчәктә бу хезмәтләрдән электрон формада файдаланырбыз дип уйлыйм. Белемнәребез җитешми, киләчәктә өйрәнербез, үзләштерербез дип өметләнәбез”
Күпфункцияле үзәкләрнең биш ел эчендә популярлыгы артты. Өстәвенә, яшьләрнең цифрлы киләчәккә өмете зурдан. 2015 нче елда үзәк хезмәтләреннән ике миллион чамасы кеше файдаланган булса, 2019 нчы елда аларның саны 5 миллионга диярлек җиткән. Хәзерге вакытта республикада барлыгы алтмышка якын күпфункцияле үзәк исәпләнә. Шуларның унбере Казанда урнашкан.
Ленара Мозаффарова ТР КФҮ учреждениесе директоры: “Казанда, башка зур шәһәрләрдә көн саен меңнәрчә кеше йомыш белән килә. Республика буенча көндә 14 мең кеше безнең үзәкләрдә була. Бик күп сандагы регламентларны, законнарны хәтердән яхшы белергә кирәк. Һәр хезмәтнең үзенчәлеге бар”
Хезмәткәрләр киеренке эшли. Якындагы биш елда вазыйфалар тагын артачак.
2024 елда барлык министрлыклар һәм ведомстволар халыктан гаризалар алуын туктатачаклар.Барлык эш үзәк хезмәткәрләре өстенә төшәчәк.шул вакыт эчендә күпфункцияле үзәкләрдә махсус программалар урнаштырып бетелер дип көтелә. Ул клиентларга 2-3 минутта хезмәт күрсәтүгә яраклаштырыла.
Екатерина Медведева ТР КФҮ учреждениесе хезмәткәре: “Бу безнен эш күләмен арттырачак. Ә халыкка файдасы күп булачак. Мин яңалыкларга уңай күзлектән чыгып карыйм. Без барысына да әзе булып торырга тиеш”
Күптән түгел күпфункцияле үзәкләрдә мөрәҗәгатьләр татар телендә дә кабул ителә башлады. Халык өчен яңа уңайлыкларның барлыкка килүе шатландыра.
Инна Данилова, Владимир Юрков
