Ватык асфальт, пычрак юллар һәм юл буе полосасы. Ространснадзор һәм юл хәрәкәте иминлеге идарәсе белгечләре шундый ямьсез күренешләрне республиканың Югары Ослан, Кайбыч һәм Лаеш районнарында ачыклаган. Әлеге юллар буенча йөк машиналары яңа М-12 тизйөрешле автомагистрале өчен төзелеш материаллары ташый. Еш кына рөхсәтсез артык күп йөк төяп киләләр. Проблеманы хәбәрчебез дә өйрәнде.
Асфальт тиз ватыла, әйләнә-тирәдә чокырлар хасил була, пычрак су җыела. Йөк машиналарына йөк төяп, зур автомагистраль төзелешенә ашыгалар. Эшләре күп. Мәйданчыкларны төзекләндерергә, грунт әзерләргә, яктырту баганаларын урнаштырырга кирәк. Йөк ташу кагыйдәләрен үтәмәгәч, гамәлдәге юллар түзми, җимерелә, пычрак җыела. Ком яки грунт төялгән бер Камаз гына да 55 тонна чамасы авырлыкта.
Карьер җитәкчеләренә йөкне старндарт нормативлар буенча гына төяргә дип, кисәтү белешмәләре җибәрелде.
Әмма машиаларга йөкне артыгы белән төйиләр.
Ространснадзорның да йөк ташучыларга дәгьвалары бар. Барысы да кагыйдәләрне үтәми. Быел гына да йөздән артык эшмәкәр, юридик һәм физик зат штрафка тартылган.
административ материаллар нигезендә барлыгы 15 млн. сумнан артык штраф салынды, бу юнәлештә эш дәвам итә.
Йөкне тиешле күләмдә ташу, барлык юл хәрәкәте кагыйдәләрен үтәү, ә иң мөһиме — зур материаллар ташуга махсус рөхсәт алу. Бу республика юлларына зыянны ничек тә булса капларга ярдәм итә.
Йөк ташучы ике ысул белән рөхсәт алырга мөмкин: йә шәхсән кабинетка яки интернеттан сайт аша мөрәҗәгать итәргә кирәк.
Порталда Шәхси кабинет булдырырга мөмкин. Шунда ук транспортны теркәргә, махсус рөхсәт алу өчен гариза язарга һәм аны электрон рәвештә алырга кирәк.
Анна Халиуллина, Татарстан яналыклары.
