Югары Ослан районында яшәүче Хикмәтуллиннар гаиләсе 45 елдан артык иңне-иңгә куеп матур гомер кичерә. Үткәннәре гыйбрәтле, бүгенге көннәре бәхетле парның озак еллар бергә яшәү серләрен хәбәрчебез Мөршидә Җиһан өйрәнеп кайтты.
Гомер көзеңдә пар канатың белән яшәү, балалар, оныклар рәхәтен парлап тату — олы бәхет.
Сугыш чоры балаларына күпне күрергә туры килә. Пермь өлкәсендә урман да кисә, урман хуҗалыгында өлкән мастер да, бухгалтер да, пункт начальнигы да, комсомол секретаре дә була , хәтта Мәскәүгә профсоюз съездына делегат итеп тә сайлана.
Соңрак урман хуҗалыгы директорының беренче урынбасары булып эшли. Булачак хатынын да монда таба. Әмма аның гомере фаҗигале төстә өзелә. Биш кызын ияртеп, Татарстанга кайтып төшә. Авырлыкларны җиңәргә дуслары ярдәм итә. «Пустые Моркваши» ял йорты директоры урынбасары булып эшкә урнаша, соңрак аның директоры була.
Биш балалы ялгыз ир икәнлеге дә куркытмый Раузаны. Уртак кызлары да туа. Әнә шулай җиде кызның әти-әнисе була да куялар
Фатыйх абый кебекләр турында ут борчасы диләр . Саынй китсәң айга кадәр юлны җәяү узгандыр да иде ул. Без очрашкан көнн дә бакчасында сәяхәт оештырды. Ни генә юк анда. Шуның өстәвенә Хикмәтуллиннар Югары осланлылар өчен күптән халык артисты. Алар гел сәхнәдә, әлегә кадәр хәләл җефете белән бергә Иделкәй ансамблендә җырлап-биеп йөри.
Мөршидә Җиһан, Ирек Хәмидуллин.
