Татарстанның Экология активистлары җәйге ялны Кара диңгез яр буенда үткәрә. Республика яшүсмерләре «Орленок» Бөтенроссия балалар үзәгенә сәяхәткә үзләренең тормыш позициясе ярдәмендә лаек: алар «экологияне саклау – һәркемнең эше», -дип саный. Шуңа да шул ук исемдәге премия лауреатлары булганнар.
Бу хәрәкәтләр артына Җир сулышы яшеренгән. Экологик флешмобта катнашучылар бергәләп планетаның ничек сулавын күрсәтә. Меңнән артык бала шул рәвешле әйләнә-тирәдәге һаваның һәм диңгез суының чисталыгы һәркемгә бәйле дип аңлаталар.
«Орленок» Бөтенроссия балалар үзәге быел экология активистларын җыйды. Монда профильле сменага Росприроднадзорның «Экология – һәркемнең эше» проектында катнашучылар килде. Татарстаннан Азалия Ханнанова өчен-табигатьне саклау-гаилә традициясе.
Узган ел экологик премияне Росприроднадзор җитәкчесе Светлана Радионова башлап җибәрде. Ресурсларны җаваплы куллану һәм әйләнә-тирә мохитне саклау-үсеп килүче буын гадәтенә керергә тиеш.
Проект кысаларында «Орленок» лагерында экологик сыйныф барлыкка килде. Уникаль лаборатория, аэропорт һәм гидропон җайланмалары урнаштырыылды. Биологияне тирәнтен өйрәнү балаларга табигатьне саклауда актив катнашырга ярдәм итә.
Экологик афәтләр, хайваннарга сакчыл караш, кешенең табигатькә йогынтысы турында фикер алыштылар. Сөйләшүләрдә әйләнә-тирә мохитны саклауга кагылышлы конкрет темаларны кузгаттылар.
Диңгез, һава һәм җирне саклау өчен җан атучылар саны арта. Моны оештыручылар эколоик премиядә катнашучылар саны буенча күрә. Боларны илебезнең барлык кешеләре дә аңласын өчен җитди бурычлар куялар.
Вадим Струминский, Дамир Мөхәммәтханов, Татарстан.
