Казан шәһәрендәге Буа якташлык җәмгыяте, социаль хезмәт күрсәтү, мохтаҗларга ярдәм итү юнәлешендә эзлекле даими эшчәнлек алып бара. «Әйдә ярдәм итик!» дип исемләнгән акция әнә шуларның берсе.
Ел саен Казаннан бөр төркем табиблар кайтып, пациентларга бушлай тикшерүләр үткәрә. Бу юлы да табиблар, якташларын Буа район үзәк хастаханәсендә кабул итте. Татарстан Республикасының әйдәп баручы табиблары арасында профессор, хирург Илдар Әһлиуллин, онколог-химио-терапевт Рөстәм Сафин һәм башка төр авырулардан белгечләр бар иде.
Кабул итү беренчел медицина документлары нигезендә алып барылды. Табиблар белән аралашкан һәркем, әлеге игелекле гамәлне оештырулары өчен, табибларга, Буа якташлык җәмгыятенә рәхмәтләрен җиткерде.
