Җәмәгать транспортында куар кодтан башка йөрү тыелды. Метрода, трамвай-троллейбуста, автобусларда кондукторларга һәм тикшерүчеләргә тиешле сертификатны күрсәтү мәҗбүри. Яңа катгый чикләү чаралары республикада катлаулы эпидемиологик хәлгә бәйле. Хәзер кондукторларның да, полиция хезмәткәрләренең дә эшләре катлауланды. Ә пассажирлар таләпләрне тиешенчә үтиме соң? Рейдка безнең иҗат төркеме дә чыкты.
Иртән барысы да эшкә ашыга, автобусларга кергәндә чират барлыкка килгән.
Кондуктор һәр пассажирның куар кодын тикшерә. Татарстанда яңа чикләү чаралары гамәлгә керде — прививка ясату турында яки вакцинация тыелган документтан башка җәмәгать транспортында йөрергә ярамый.
Әгәр тикшерүче полиция хезмәткәре, җәмәгать транспортында пассажирда куар код булмавын яки ялган документ булуын ачыкласа, пассажирга 30 мең сумга кадәр штраф салына, пассажирлар йөртүче биш йөз мең сумга кадәр штраф түләргә тиеш. Моны һәркасыбыз аңласын иде.
Кагыйдәләрне бозуларны рейдлар барышында ачыклыйлар, транспорт комитеты хезмәткәрләре рейдларны даими үткәрә. Арада берече прививканы ясатучылар күп.
89 маршрут автобусында инспекторлар бик кирәк булып чыкты. Кондуктор иртәнге сәгать җидегә инде ун пассажирны төшереп калдырган. Моның белән килешмичә, тавыш куптаручылар да юк түгел.
Бер пассажир куар кодын күрсәтүдән баш тартты. Кагыйдә буенча, кондуктор хокук бозучыны автобустан чыгару өчен полиция хезмәткәрләрен чакыртырга тиеш. Мондый хәлләр транспортчылар эшен катлауландырды.
Шулай итеп, җәмәгать транспортында куар кодларсыз йөрергә тырышучыларга таләпләр катгыйланды. Закон бозучылар штрафка тартыла.
Булат Шакиев, Ринат Сәхибгәрәев, Татарстан яңалыклары.
