Су ага, ә аның белән бергә Казан янындагы Ореховка бистәсендә яшәүчеләрнең акчасы да юкка чыга. Өченче ел инде үз хисапларына су насосларын ремонтлыйлар, җирле идарәче компаниядән ярдәм юк. Инде кабат сусыз калганнар. Проблеманы хәбәрчебез ачыклады.
Һәр тамчы су алтын бәясенә тиң. Үзәк һәм Көнбатыш Ореховкада яшәүчеләр ике атна тоташ суга тилмереп яшәгәннәр.
Ниһаять, суны биргәннәр. Тик су өзеклекләре белән ага. Шул сәбәпле, көнкүреш техникасы ватыла, кайберәүләр вакытлыча башка урында яшәргә мәҗбүр.
Су белән өзеклекләр скважинада насос ватылу сәбәпле килеп чыга. Ул «Ореховка» идарәче компаниясе балансында. Без аның директоры белән элемтәгә кердек. Ул әлеге вазыйфада нибары 2 атна гына эшләвен әйтте, эш урынын калдырып та китә инде. Проблеманы бетерүддә эшлиләр. Тик мондый җаваптан биредә яшәүчеләр дә, җирлек хакимият тә канәгать түгел.
Проблеманы халыкка үз хисабына хәл итәргә тәкъдим иткәннәр. Яңа насослар сатып алуга акча җыярга кирәк.
Су башняларына һәм скважиналарга хезмәт күрсәтү өчен халык түләргә теләми. Алар идарәче компаниягә, авыл җирлеге һәм Башкарма комитетка мөрәҗәгать иткән. Тик әлегә җавап алмагааннар. Объектта ремонт эшләре бара инде, ә менә чыгымнарны кем каплар — бу сорау әлегә җвавпсыз кала.
Фирүзә Насыйрова, Илдар Галәветдинов, Татарстан яңалыклары, Яшел Үзән районы.
