Республикада зурлап Мәүлид Ән-Нәби бәйрәмен, Пәйгамбәребез Мөхәммәд саллаху галәйхи вәссаләмнең туган көнең билгеләп үттеләр. Тантана Болгар ислам академиясендә узды. Чарада Респбулика Дәүләт киңәшчесе Минтимер Шәймиев , Татарстан Рәисе Администрациясе җитәкчесе Әсгать Сәфәров катнашты. Бөтен россиядән Мөселман дин әһелләре, имамнар, шәкертләр, ислам уку йортлары укытучылары җыелды. Шулай ук Академия территориясендә спорт мәйданчыгын да ачтылар. Бәйрәм мизгеллләре турында тулырак алдагы репортажда.
Илебездәге бердәнбер Ислам академиясе Изге Болгар җирендә урнашкан. Монда магистратура һәм докторантура баскычында белем бирү алып барыла. Шулкадәр зур һәм затлы бинаның бер ел эчендә төзелгәненә ышануы да кыен.
Ел саен Мәүлид бәйрәме болгар ислам академиясендә зурлап үткәрелә. Быел да монда төрле илләрдән дин әһелләре, дәүләт эшлеклеләре җыелды. Минтимер Шәймиев бәйрәм белән котлап ,академияне тагын да зурайту өстендә эшләргә кирәк дип белдерде.
Бәйрәм көненә туры китереп биредә спорт мәйданы ачылу тантанасы да булып үтте. Мәйдан ачылгач та, Минтимер Шәймиев футбол тубына беренче тибеп, матчны башлап җибәрде. Чарада катнашкан Татарстан мөфтие Камил хәзрәт тә мөселман халкын Мәүлид белән тәбрик итте. Бәйрәм чыгышлары корьән аятьләре, сурәләр уку белән үрелеп барды.
Академиядә хәзерге вакытта 150 ләп студент белем ала. Дәүләт киңәшчесе Минтимер Шәймиев алар белән күрешеп хәл әхвәлләрен белеште.
Академия китапханәнәсенә 60 том китап тапшырды. Рәхмәт йөзеннән үзенә дә шамаил бүләк ителде.Академиядә Россиядән тыш Һиндстан, Сирия, һәм башка илләрдән килгән галимнәр белем бирә.Мәүлид уңаеннан дини мәҗлестә вәгазьләр сөйләнде,мөнәҗәтләр әйтелде.Мәүлид бәйрәме Ак мәчет каршындагы сәхнәдә дәвам итте.
Миләүшә Гыйльфанова, Дамир Мөхәммәтханов, Татарстан Яңалыклары.
