Татарстанның халык артисты Хәлим Җәләй каберенә таш куелды.
Көн җылы, кояшлы. Бу Аллаһының бүләге. Безнең яраткан Хәлим абыебыз да гел шулай елмаеп яшәде, яшнәде, Мәрхүмнәрне онытмыйк, зиратларга эзне суытмыйк, — дип, сүзен башлады Луара Шакирҗан чараны башлап һәм үзенең истәлекләре белән уртаклашты.
Әлеге чара Гәлиәскәр Камал театры җитәкчелеге тарафыннан оештырылды.
Язучы, тәрҗемәче, Татарстанның халык артисты Хәлим Җәләй (Хәлим Бәдретдин улы Җәләлов) 1940 елның 27 апрелендә Татарстан Республикасының Балык Бистәсе районы Олы Солтан авылында колхозчы гаиләсендә җиденче бала булып дөньяга килә. Олы Солтан урта мәктәбен көмеш медальгә тәмамлап, Казан авыл хуҗалыгы институтында укый. Соңырак, Әдәбият-сәнгать белән кызыксынган, үзешчән сәхнәләрдә төрле тамашаларда актив катнашкан Хәлим Җәләй, театр училищесына укырга керә һәм шуннан башлап үзенең бөтен тормышын, иҗатын Галиәскәр Камал исемендәге Татар дәүләт академия театрында актер эшенә багышлый.
Татар театрының күренекле артисты һәм нәфис сүз остасы булу өстенә Хәлим Жәләй шигъри җанлы, йөгерек телле каләм иясе һәм оста тәрҗемәче дә. Бүгенге көн яшь артистлар аны шулай диеп искә алды.
Кабер ташы ачылу чарада артистның коллегалары, якын туганнары, дуслары, яраткан тамашачылары катнашты.
Айзилә Батырханова, Фәннур Хәсәнов, Ирек Хәмидуллин, Татарстан яңалыклары.
