21 нче июльдә Татарстан башкаласында дуслык уеннары башлана. Ә әлегә беренче катнашучыларны кабул итәләр. Исегезгә төшерәбез, программада йөзү, синхрон йөзү һәм суга сикерү төрләре бар. Суга сикерү остасы булган Испания спортчысының күнеегүләрен хәбәрчебез дә күзәтте.
Суга сикерү буенча Венесуэла җыелма командасы спортчысы-Хесус Гонсалез көн саен тырышып шөгыльләнә. 18 яшендә-Пан – Америка уеннарында бронза һәм Көньяк Америкада көмеш медаль алган. Офыкта яңа этап – дуслык уеннары.
Казанда Хесус икенче тапкыр. Узган ел шәкерт буларак килгән иде. 7 ай ул Татарстанның баш тренеры Павел Муякин җитәкчелегендә Казанның үсеш үзәгендә шөгыльләнде. Спортчылар өчен биредә шартлар бик яхшы.
“Казан миңа бик ошый,” — ди Хесус. Бигрәк тә Гаилә үзәге солкландырган.Спортчының планнары зур. Алар арасында-2024 елда Олимпиадада катнашу һәм Россия университетына укырга керү.
Хесус һәм башка спортчылар өчен киләсе атнада ук җан атарга мөмкин. Су спорт төрләре буенча «дуслык уеннары» халыкара ярышларның 1 этабы Казанда 19 июльдән 3 августка кадәр уза.
