Безнең телерадиокомпания Русфонд хәйрия җәмгыяте белән берлектә, авыру балаларга ярдәм акциясен дәвам итә. Бүген 9 яшьлек Ислам Мостафин тарихы. Ул сәламәт булып туган, 2 яшендә табиблар аның баш миендә шеш тапканнар. Хәзер балага тернәкләнү курсын узарга кирәк. Ул кыйммәт тора, гаилә бездән ярдәм көтә.
Әтисе белән тупны бер-берсенә тибү — әлегә бу Ислам Мостафин иркен тоткан бердәнбер уен. Аңа 9 яшь. Авыруы борчымаса, ишегалдында башка малайлар белән белән бергә футбол уйный алыр иде.
Ислам аңына килгәч, табиблар баш мие шешен ачыклаган. Шулай итеп, яшәү өчен көрәш башлана. Шешне 2016 елда алалар, тернәкләнү курсын уза. Ә 2018 елда авырукабат үзен сиздерә. Кабат берничә операция ясыйлар. Радиотерапиядән соң, терелүенә өмет туа. 9 ел эчендә ул беренче тапкыр 1 нче адым ясарга мөмкин.
Ләкин гади балалар өчен бик гади булган нәрсәләр Ислам гаиләсе өчен бик кыйммәт. Гаиләгә ярдәм итү өчен, 5542 номерына «ДЕТИ» сүзе белән СМС җибәрергә кирәк. Бер хәбәрнең бәясе 75 сум. Күбрәк өлеш кертергә теләүчеләргә тулырак мәгълүмат безнең телерадиокомпания һәм Русфонд сайтларында.
Эльмира Җәләева, Татарстан яңалыклары, Азнакай районы.
