Коронавирус белән каты авырган кешеләргә ничек тернәкләнергә? Сулыш органнарын ничек сакларга, кабат яшәргә омтылышны кайтарырга? Илнең иң яшь шәһәре — Иннополиста тернәкләнү курслары ачылды. Курсларга йөрүчеләрнең фикерләре белән хәбәрчебез дә кызыксынып кайтты.
Мәдинә Габдрахманова иркенләп сулыш алу теләген әнә шулай искә ала. Коронавирус белән авырырмын дип һич тә уйламаган. Башта мәкерле чирдән өендә ун көн дәваланган. Аннан хастааханәгә салганнар – үпкәсенең 75 проценты ковид йогышы белән зарарланган.
Иммунитеты көчле булган, шулай да тернәкләнүе җиңел түгел. Инннополиста тернәкләнү курсларын уза. Һәр иртә сулыш органнарына күнегүләр ясау белән башлана.
Вирус йогышы нәтиҗәләрен алдан фаразлавы кыен. Кайберәүләргә психолог ярдәме кирәк. Хастаханәдә дәваланганда куркып, өметсезлеккә бирешүчеләрдә очрый.
Әйе, психик яктан өметсезлеккә бирешеп, дәвалануга ышанычлары югалган авырулар да очрый. Аларга булышабыз. Авыруларны физик яктан гына түгел, ә психик яктан да дәваларга туры килә.
Хәзер Иннополис поликлиникасында көн саен дистәләгән кеше тернәкләнә. Өлкәннәрне дә, яшьләрне дә дәвалыйлар, короновирус аларны да кызганмый. Үзәк Казанның җиденче хастаханәсенә карый, юлламаларны шунда бирәләр.
Тернәкләнү курсын Казанда яшәүчеләр генә түгел, республиканың башка районнарыннан килүчеләр дә уза. Алар ике гаиләгә исәпләнгән махсус йортларда яшиләр. Йортларның проектын Иннополис җитәкчелеге сәламәтлек саклау министрлыгы белән берлектә әзерләгән.
Мәдинә Габдрахманова дәвалау курсын тәмамлап килә. Терелеп беткәч, ковидтан прививка ясатырга уйлый. Хәзер аның өчен яшәү өметле мизгелләрдән генә тора.
Алмаз Хакимов, Сергей Павлухин, Татарстан яңалыклары.
