Пәйгамбәребез Мөхәммәд саллаху галәйхи вәссаләмнең туган көне. Күркәм традиция буенча, бу минутларда Болгар Ислам академиясендә тантаналар башланды.Биредә бөтен россиядән Мөселман дин әһелләре, имамнар, шәкертләр, ислам уку йортлары укытучылары җыелды. Шулай ук Республика мәчетләрендә дә Мәүлид кичәләре узды, Казанның тарихи Галиев мәчетендә үткән мәүлид бәйрәменнән безнең чираттагы язма.
Мәүлет бәйрәме беренче тапкыр үткәрелгәндә дә әнә шулай касыйдә ягъни Мөхәммәт Пәйгамбәр тормышы турындагы шигъри әсәр көйләнгән. Ттар мәкаме белән яңгырату өчен Җәлил хәзрәт Фазлыев тарафыннан эшкәртелгән.Татарстанда Мәүлидне бәйрәм итү гадәтләре яңа гасырга кергәннән соң гына кайтарыла башлады.
Мәүлид — Аллаһ Рәсүле дөньяга килүгә ихлас күңелдән шатлануны белдерә торган көн.
«Мәүлид бәйрәме мөбарәк булсын!» Мөселманнар бер –берсен Рабигыль-әүвәл аена кергәч тә котлый башлый. Ә бәйрәм Рабигыль-әүвәл аеның 12нче көненә туры килә.
Шул уңайдан Казан шәһәренең тарихи Галиев мәчетендә ахшам намазыннан соң Мәүлид ән-Нәби кичәсе узды.
Мәүлет кичәсе барышында нәшидләр һәм мөнәҗәтләр дә әйтелде.
«Мәүлид уку – бик яхшы һәм файдалы Ислам гадәте. ди Галиев мәчете имам-хатыйбы Рамил хәзрәт Мингәрәев
Мәүлид дин галимнәре хуплаган гамәл. Бу хакта узган гасыр башындагы газета-журналларда язылган. МәсәләнТарихчы Фатих Сәйфи Йолдыз газетасында акегет авылында узган мәүлид бәйрәме турында язган. Хәтта балалар өчен Казанның шәрык клубында мәүлет бәйрәме үткәрелгән
Мөршидә Җиһан, Ирек Хәмидуллин. Татарстан яңалыклары.
