Габдулла Тукай исемендәге Татар дәүләт филармониясе залында бөек җырчыбызның туган көне уңаеннан Илһам Шакиров исемендәге республика премиясен тапшыру тантанасы узды. Тулырак мәгълүмат хәбәрчебез язмасында.
Васил Шәйхразиев Татарстан Республикасы Премьер-министры урынбасары, Милли Шура рәисе
Премияләрне Татарстан Республикасы Премьер-министры урынбасары, Милли Шура рәисе Васил Шәйхразиев тапшырды. Әлеге премия Россиянең һәм Татарстанның халык артисты, Габдулла Тукай исемендәге Дәүләт премиясе лауреаты, «Алтын Аполлон» бүләге иясе Илһам Шакировның исемен мәңгеләштерү максатында булдырылган.
Зилә Сөнгатуллина Татарстанның халык артисты
Быел «Хатын-кыз тавышы» номинациясендә премиягә Россиянең атказанган, Татарстанның халык артисты Резеда Галимова, шул ук номинациядә «Ир-ат тавышы» премиясенә Татарстанның атказанган артисты Филүс Каһиров лаек булды. «Халыкчан җырчы» премиясе Флер Шакировка тапшырылды.
Флер Шакиров Илһам Шакиров исемендәге премия лауреаты
Резеда Галимова Татарстанның халык артисты, Илһам Шакиров исемендәге премия лауреаты
Премия ике елга бер мәртәбә биреләчәк.
Ләлә Зәйнуллина, Ренат Сәхипгәрәев. Татарстан яңалыклары.
