Замана яшьләре нәрсә белән кызыксына? Хыяллары нинди?Гомумән кемнәр ул бүгенге заман яшьләре? Идел журналы сан саен әнә шул сорауларга җавап бирә. Май ае санын тәкъдим итүгә багышланган очрашуны хәбәрчебез Мөршидә Җиһан күреп кайтты.
Бар да яңа, җыры да, заманы да , яшьләре дә, Иделе дә. Яңа шартларга яраклаштырып рус телендә нәшер ителүче Идел журналы 2020 елның декабреннән Айсылу Хафизова мөхәррирлегендә әзреләп бастырыла. Бу вазыйфада ул элгәреге елларда тәжрибә туплап алган иде. Монысы икенче үзгәртеп кору чоры һәм ул аны журналның тышыннан башлады.
IDЕЛЬ журналының май санын һәм стрит-арт акциясен тәкъдим итү «Татмедиа» бинасы каршындагы мәйданда үткәрелде. Стрит арт дигәне асфальтка җәелгән фанерада рәсем ясау булса , ә тәкъдим итү өлешендә журналның май саны геройлары очрашты. Алар барысы да Z буыны ягъни 1995 елдан 2014 елга кадәр туган яшьләр. Ә яшьләр белән бер дулкында стажерлар — КФУ студентлары аралашты. Гомумән май санын яшь стажерлар тарафыннан эшләнгән. Әле яңадан тукталып калган проектны дәвам итәргә дә җыеналар.
Журналны тәкъдим итү барышында “Идел» журналы призларына флешмоб һәм конкурслар үткәрелде. Ә музыкаль бизәлеш Булат Алиевтан. Ул яшь тамашачыларга Энекәш тәхәллүсе белән таныш. Мондый очрашуларны Идел журналы күптән үткәреп килә. Ул чакта үзләре генә башлап йөриләр иде. Бу юлы чара «Татмедиа» АҖ ярдәме белән бергә оештырылган.
Мөршидә Җиһан, Ирек Хәмидулин. Татарстан яңалыклары.
