Әссәмләмегаләйкем вә рәхмәтуллаһи вә бәрәкәтүһү, хөрмәтле дин кардәшләр.
Татарстан дини яңарыш чоры кичерә, мәчетләр саны гына да 2000 гә якынлаып килә. Шулай ук шәһәр- районнарда мөхтәсибәт эше җайга салынды. Киров һәм Мәскәү районнары мөхтәсибәтенә кергән Ярдәм мәчетендә көн саен меңнән артык кешегә исәнләнгән ифтар уздырыла. Авыз ачу чарасында алып баручы Гамил Нур елдагыча балаларга да сүз бирә. Шулай ук Ярдәм гомуммилли хәйрия фонды аз керемле һәм мохтаҗларны ашатуны дәвам итә. Фондның күп функцияле спорт комплексы янында атнага биш көн ризык-тартмасыда кайнар ашлар таратыла.
****
Буа төбәге мөхтәсибе Ильмир хәзрәт Хәсәнов 2014 елдан билгеләнгән иде. Шушы араларда һәр мәчеттә диярлек рамазан ае белән бәйле чаралар үткәрелә.
****
Мөхтәсибәтенең сайты да эшли . Шушы көннәрдә Буа төбәгендә узган дини чаралар белән таныштырган 15 нче видеожурнал да тәкъдим ителде.
***
Туган авыл милли комплексында журналистлар өчен ифтар үткәрелде. Мәҗлескә республикабыз мөфтие Камил хәзрәт Сәмигуллин һәм федераль, республика, шәһәр массакүләм мәгълүмат чараларында хезмәт куючы, матбугат хезмәтләрендә эшләүче каләм әһеле җыелды. Бу хакта махсус репортажны дүшәмбе 18 нче апрельдә Яңалыклар чыгарылышында тәкъдим итәрбез .
***
Адәм баласы нинди генә борчу-¬мәшәкатьләр, кайгы-хәсрәтләр күрми. Бер дә уйламаган җирдән бөтенләй хәл итеп булмастай күренгән проблемалар килеп чыга. Әнә шундый чакта күбебез, инде башка беркемгә-бернәрсәгә дә өметләнмәгәндә, кулларыбыз үзеннән-үзе өскә күтәрелеп, Аллаһыга дога кыла башлыйбыз. Бершиксез өч төрле кешенең догасы кабул була: ата-ананың, мосафир һәм рәнҗетелгән кешенең. Димәк, ата-ана баласы өчен һәрвакыт хәерле догада булырга тиеш. Юлдагы кешеләрдән дә дога кылуларын сорый алабыз, иншалла, кабул булырлар. Ә менә рәнҗегән кешенең догасы ике төрле, хәерле-игелекле дога һәм бәддога. Алар икесе дә дога булып санала. Шуңа да башкаралрны рәнҗетмәскә иде дигән теләктә сезнең белән саубуллашам. Тоткан уразаларыгыз кабул булсын. Исәнлектә күрешик.
