Казан Кремле территориясендә традицион Җиңү вальсын оештырдылар. Ел саен үткәрелә торган акциядә ирекле отрядлар активистлары, волонтерлар, мәктәп укучылары сугыш еллары җырлары көйләренә кушылып биеделәр Бу акциянең төп максаты — тарихи вакыйгаларны искә төшесрү, хәтерне саклау, яшь буында туган илгә патриотик хисләр тәрбияләү. Бөек Ватан сугышы һәм тыл ветераннары арабызда елдан-ел сирәгәя. Шуңа күрә әлеге чараның тәрбияви әһәмияте бик зур.
