Җиңү көнендә Татарстанда җылы язгы һава торышы булачак. Һава температурасы +26 градуска кадәр җитәчәк. Бу хакта ТР Гидрометеорология һәм әйләнә-тирә мохитне күзәтү идарәсе фаразында атна азагы һәм киләсе атна башына әйтелә.
Синоптиклар фаразына караганда, шимбә, 8 майда, алмашынучан болытлы һава көтелә, урыны белән бераз яңгыр явачак. Төнлә һава температурасы +6 +11 градуска кадәр, көндез +24 градуска кадәр җылына.
Якшәмбе, 9 майда, урыны белән яңгыр һәм көчле җил секундына 15 метрга кадәр җитәргә мөмкин, төнлә +7дән +12гә кадәр, көндез +21тән +26 градуска кадәр.
Дүшәмбе, 10 майда, Татарстан атмосфера фронты йогынтысы зонасында булачак. Урыны белән яңгыр көтелә. Төнлә һава температурасы +8дән +13кә кадәр, көндез 18дән 23 градуска кадәр күтәрелә.
Якынча фараз буенча, сишәмбе, 11 май көнне һава температурасы төнлә +6. Көндез +24 градуска кадәр җылыта.
