Татарстанның атказанган сәнгать эшлеклесе, күренекле режиссер, актер, язучы Әхтәм Зарипов вафат булды.
Ул 1935 елның 15 июлендә Башкортостанның Илеш районы Таҗи авылында туган.
Щепкин исемендәге Мәскәү театр студиясен тәмамлап, бер төркем щепкинчылар белән берлектә 1961 нче алдан алып 72 нче елга кадәр Камал театрында уйный.
1972 елда башлап Казан телевидениесендә режиссер булып эшли башлый. Ә 1987 елдан 1992 елларда Казан телевидениясендә баш режиссер вазифасын башкара.
Әхтәм Зарипов күпсанлы телевизион фильмнар, спектакльләр авторы.
Күренекле режиссер белән хушлашу мәрасиме бүген сәгать унбердә Мәрҗәни мәчете каршында уза.
Безнең Татарстан телерадиокомпаниясе дә Әхтәм абыйның туганнарының, якыннарының тирән кайгысын уртаклаша.
