Татарстан предприятиеләре яңа кадрларны укытырга әзер. Республикада оборона заказы 10 тапкыр арткан, заводларга яңа эшчеләр кирәк. Хезмәт хакы 100 мең сумга кадәр. Кайсы заводка нинди белгечләр җитешми? Бу хакта киләсе язмада.
Менә бу цехта вертолетлар өчен детальләр ясыйлар. Ул заманча нык материалдан әзерләнә.
Махсус клей бер тасмага 200 җепне берәштерә. 150 градус җылылыкта киптерелә. Бер үк вакытта берничә цехта эш кайный. Биредә винтлы машиналар өчен кечкенә детальләр эшләп чыгарыла.
Диплом алганнан соң, практика башлана. Алексей техникумнан соң килгән. 21 яшендә участок мастеры итеп куйганнар.
Һөнәрдәге югары үрләргә ирешү, яңа коллективка ияләшү юллары турында остазлар сөйли.
Татарстанның кайбер предприятиеләренең оборона заказы 10 тапкырга арткан. Шуңа бәйле рәвештә кадрларга да ихтыяҗ бар. Заводларда 3 меңгә якын эшче җитешми. Белгечләргә заманчалаштырылган шартларда эш тәкъдим итәләр, уку һәм яңа һөнәр алу мөмкинлеге, тулы соиаль цпакет бирелә. Даими медицина тикшерүе уздырыла, санаторийларга һәм балалар лагерьларына ташламалы юлламалар, читтән килүчеләргә торак алу хокукы бар.
Тәҗрибәле хезмәткәрләр арсеналында югалтуларсыз сыйфатлы продукция йөзләгән сер. Һөнәрнең нечкәлекләрен еллар буена шомарталар. Остазлар тәҗрибә уртаклашырга әзер. Әлегә заводларда буш эш урыннары күп. Һәрвакыт гаилә династияләре белән дан тоткан предприятиеләр профессионаллар сафларын тулыландырырга әзер.
Регина Сафиуллина, Ренат Сәхибгәрәев, Татарстан яңалыклары.
