Кәрим Тинчурин исемендәге Татар дәүләт драма һәм комедия театрында Туган телләр һәм Халыклар бердәмлеге елына багышланган чираттагы театр фестивале үткәрелде. Тулырак алдагы язмада.
Кәрим Тинчурин исемендәге 10 нчы халыкара заман милли драматургия театр фестивале милләтара һәм театрара элемтәләрне ныгытуга, заман милли драматургиясен саклап калу һәм халыкка җиткерү максатыннан уздырыла. Бер атна дәвамында төрле театр коллективлары үзләренең иң кызыклы, уңышлы спектакльләрен тәкъдим итте.
Фестиваль кысаларында Кәрим Тинчурин исемендәге Татар дәүләт драма һәм комедия театры күренекле драматург Кәрим Тинчуринның туган көнендә үзенең 88 нче театр сезонын “Полиционер” музыкаль комедиясе белән ачып җибәрде. Спектакльне Илгиз Зәйниев пьесасы буенча күптән түгел театрның баш режиссёр вазыйфасына керешкән Туфан Имаметдинов куя.
Фестиваль Татарстан Республикасы Мәдәният министрлыгы, Татарстан Республикасы Театр әһелләре берлеге, Кәрим Тинчурин исемендәге Татар дәүләт драма һәм комедия театры, ярдәме белән үткәрелә. Мәдәният министрлыгы карары буенча фестивальдә Татарстан Республикасының барлык профессиональ театрлары һәм Россиянең профессиональ татар театрлары катнашты.
Фестивальне катнашучылар үзара тәҗрибә уртаклашу мәйданы итеп кабул итә. Беренче тапкыр 1991 елда уза, 2014 елда Халыкара статуска ия була.
Алия Галиуллина, Таһир Хәсәнов, Татарстан яңалыклары.
