«Мөслимә» дип аталган мөнәҗәтчеләр бәйгесен үткәрү Буа районының Исәк авылында күркәм традициягә әврелде. Регионара мөнәҗәт кичәсеннән хәбәрчебез Мөршидә Җиһан репортажы.
Борынгы чорларда бик киң таралган мөнәҗәтләр озак вакыт онытылып торды. Бары тик 90нче еллардан соң гына мөнәҗәтләр дини мәҗесләрдә әйтелә башлады. Хәзер исә күренекле җырчылар башкаруына зур сәхнәләрдә дә яңгырый.
Мөнәҗәтләр халкыбызның рухи көзгесе. Шул максаттан әлеге бәйгене гамәлгә куеп, ел да үкәрәбез дип белдерде чараны ачу тантанасында Буа якташлык җәмгыяте президенты Ирек Закиров.
Мөнәҗәтләр бәйгесе Чувашстан Республикасының Исәк авылына якын районнары белән берлектә оештырылган. Катнашучылар арасында аларның мөнәҗәтләрне башкару осталыгы аеруча югары бәяләнде.
Быел мөнәҗәт әйтүчеләрнең осталыгына бәя бирүчеләр төркемен Татарстанның халык артисты Мингол Галиев җитәкләде. Үзе дә мөнәҗәт остасы булган күренекле җырчының, кайтуы гына да авыл халкы, бәйгедә катнашучылар өчен гомерлеккә күңелгә кереп кала торган истәлекле вакыйгага әверелде.
“Инандым бер Аллага”, «Укы Коръән» кебек еш кабатлана торган мөнәҗәтләрдән тыш яңалары да әйтелде, аз булса да катнашучылар үзләре иҗат иткән мөнәҗәтләрне дә башкарды.
Яңа Тинчәле авылыннан килгән Зәүҗия Төхвәтуллова узган ел карага гына килгән иде. Быел үзе дә катнашырга карар кылган. Килергә теләүчеләр күп иде, әмма чикләүләр булу сәбәпле катнашучылар санын киметтек ди оештыручылар . Шулай да икенче регионара фестивальдә барлыгы 20 мөнәҗәтче катнашты.
Мөнәҗәтләр әйтүдә, мәкамең төгәл булуга ирешеү өчен әлбәттә тәҗрибә кирәк. Дөрес, балаларга ул әле җитеп бетми , шулай да алар ныклап әзерләнеп килгән.
Җиңүчеләр дигәннән, әлеге бәйгедә урын алу да әһәмиятле түгел. Безнең шушылай очрашып аралашысы килә ди катнашучылар. Оештыручылар тарафыннан һәр чыгыш ясаучыга, Буа якташлык җәмгыяте исеменнән акчалата премия һәм истәлекле бүләкләр тапшырылды.
«Мөслимә» дип аталган мөнәҗәтчеләр фестивален киләсе елга ике турда үткәрү дигән тәкъдим дә булды. Әгәр нигезләмәгә үзгәреш кертелсә, беренче этабы Буа районынынң аерым мәхәлләләр арасында үткәрелеп, Исәккә икенче турга узганнар чакырылачак.
Мөнәҗәтләр-халыкның яшәү дәверенедә барлыкка килгән рухи иҗтыяҗ. Мөнәҗәтләрне халык үз итә. Онытмый.
Мөршидә Җиһан, Никита Граханце .Татарстан яңалыклары. Буа районы.
