Казанда 1 нче октябрьдән 10 нчы октябрьгә кадәр Халыкара өлкәннәр көненә багышланган традицион Өлкәннәр декадасы уза.
Өлкәннәр декадасы кысаларында тантаналы концертлар шәһәрнең дүрт мәдәни үзәгендә узачак. «Сәйдәш» мәдәният үзәгендә һәм Ленин исемендәге мәдәни-ял комплексында – 4 нче октябрьдә; «Мәскәү» мәдәният үзәгендә – 5 нче октябрьдә; «Чулпан» мәдәният үзәгендә – 6 нчы октябрьдә.
Чараларда сәнгать осталары, Казан һәм Татарстанның иң яхшы иҗат коллективлары чыгыш ясый. Халыкара өлкәннәр көненә багышланган традицион Өлкәннәр декадасында олы яшьтәгеләрнең сәламәтлегенә аерым игътибар биреләчәк. Табиб-белгечләр урын өстендә ятучы ялгыз авыру кешеләрнең өйләренә бара.
