Россиядә елның төп вакыйгаларының берсе – халык санын алуга бер айдан кимрәк вакыт калып бара. Ул 15 нче октябрьдә башлана,14 ноябрьгә кадәр дәвам итә. Быел халыук санын алу төрле форматта була. Кешеләр белән очрашып, мәгьлүматларны кәгазьгә яздырырга яки сорауларга җавапларны онлайн электрон рәвештә дә алырга мөмкин.
Илдә халык санын алуга әзерлек бара. 15 октябрьдә үк җан исәбен алучылар эшкә керешә. Дәүләт хезмәтләре порталы аша төп сорауларга җаваплар кабул ителә. Барысы 33 сорау-кешенең җенесе, яше, гаилә хәле, белеме, торак шартларына бәйле. Элеккеге кебек үк, нинди милләттән булуын, туган тел итеп кайсы телне санавын сорашалар. Кәгазь форматта җавапларны сайлау мөмкинлеге булса, дәүләт хезмәтләре порталында берни язылмаган.
Бу якынлашып килүче халык санын алуның төп принципларының берсе – Россия Конституциясе тарафыннан милләт һәм туган тел буенча үз-үзеңне билгеләү мөмкинлеге гарантияләнгән.
Мондый алым 173 милләт вәкиле яши торган Татарстанның барлык милли күптөрлелеген, иң күп санлы татарлар, руслар, марилар, удмуртлар, чувашлар, мордваларны
җентекләп күрергә мөмкинлек бирә,
Диана Дасаева, Татарстан яңалыклары.
