Татарстан Дәүләт Советы депутаты Татьяна Ларионова Чаллыда илкүләм проектларның ничек гамәлгә ашырылуы белән танышты. Куркынычсыз һәм сыйфатлы автомобиль юллары, демография, сәламәтлек саклау, хезмәт җитештерүчәнлеге – әлеге программалар шәһәрдә актив үсеш алган. Яңа юллар, балалар бакчалары, мәктәпләр ремонтлана һәм төзелә, яңа эш урыннары барлыкка килә, җиһазлар яхшыра. Татьяна Ларионова шәһәрнең төзелә торган объектларында булды.
Татьяна Ларионова Шамил Усманов урамында юл ремонтлауның барышын карады. Хәзерге вакытта эшләр 25 процентка үтәлгән. Ремонтлана торган участокның гомуми озынлыгы — километр ярым.
Марат Анисимов өзелеш фирмасы җитәкчесе» биредә 350-ләп парковка урыны төзекләндерелә, 45 ут баганасы куела.Участокта эшләр актив бара. Кешеләргә йөрү уңайлы. 479 юл билгесе урнаштырыла.
Шамил Усманов урамын ремонтлау «Куркынычсыз һәм сыйфатлы автомобиль юллары» илкүләм проекты буенча 2017 елдан башлап алып барыла. Эшләр федераль һәм республика бюджетларыннан 100 миллион сумга финанслана. Подрядчы ремонт эшләрен вакытыннан алда тәмамларга планлаштыра.
Ә 63 нче микрорайонда урнашкан «Лучики» балалар бакчасы нәни тәрбияләнүчеләрне кабул итәргә әзер диярлек. Мәктәпкәчә учреждениене төзү буенча эшләр тәмамлану алдында.
Мәктәпкәчә учреждениегә исәпләнгән 220 бала ачылуны көтә.
Монда төркемнәр дә иске бакчадагыга караганда күбрәк. Өлкән балаларыбыз иске бакчага йөрде, аерма барыбер бар. Уңайлы, матур, диварлар да ясалган, коридорлар да киң.
«Лучики»балалар бакчасы июль башында ук ачыла. Аны «Демография» илкүләм проекты буенча төзеделәр. Татьяна Ларионова «Кама» агросәнәгать комплексында да булды, анда җитәкчеләр белән илкүләм проектлар турында фикер алышты.
Чаллыда «Сәламәтлек саклау» илкүләм проекты җиде юнәлештә тормышка ашырыла. Беренчел медицина-санитар ярдәм күрсәтү системасын үстерү төбәк проекты буенча гражданнарны профилактик тикшерү бара.
Чаллыда 9 илкүләм проект ытормышка ашырыла. Алар илнең фәнни-технологик һәм социаль-икътисади үсешендә алга китешне тәэмин итәргә, кешеләрнең тормыш дәрәҗәсен күтәрергә тиеш.
Сергей Вильданов, Татарстан яңалыклары, Чаллы.
